البنت احسن من الولد وده الاثبات..........

اثبتت التحريات ان البنت احسن من الولد والاسباب :

تتكلم براحتها في التليفون ..... وابوها او جوزها اللي هيدفع الفاتوره

البنت مش ملزومه تجهز نفسها ابوها او خطيبها اللي يدفعو دم قلبهم

مفيش حد بيبص علي بدله العريس كله بيركز على فستان العروسه

لو واحده عملت مخالفه مرور تعيط شويه للظابط وهو يعديها .....لو راجل هياخد علي دماغه

البنت مش ملزومه تدفع ضرايب ابوها او جوزها بيدفعوها

لو واحده مش ادت لقرايبها عديه مفيش حد هيتكلم .... ولا يقول دا راجل تبت وبخيل

لو واحده متأخره علي المحاضره ممكن الدكاتره يدخلوها.. لو ولد يقولوله روح يا بابا كمل بره في الشمس

لو حصل زعل بين البنت وباباها مش هيطردها بره البيت بس هي تدخل الاوده وتعيط شويه وبابا يروح يصالحها

دلع الاولاد

- 2سنه ياختي قميله

- 5 يا عسوله

- 10انت ياد

-18 انت يا شحت

-25 انت بقيت طول الباب اهوه

40 يا راجل

50 يا عم الحج

60 يا راجل يا عجوز منخيرك اد الكوز

هههه قشطة عليكى

لا جامد الموضوع

اى خدمه انا بنت ولازم ادافع دايما عن البنات وشكرا لردودكو على لموضوع

الظاهر اننا داخين علي منعطف جامد جدا وشكله هيكون تاريخي

ماشى يا عم المنعطف التاريخى ايه الكلام الكبير ده

لا بس دة مبيقللش من اهمية الراجل في حياة البنت
انا عن نفسي شايفة ان البنت مش مجتمع
الولد و البنت سوا هم المجتمع كلة بما فية
لان الولد لية دور مهم جدا في الحياة
كمان البنات مش دلوعات بابا زي ما انتي بتقولي بالعكس دول اكتر ناس بيتحملوا المسؤولية و شايلين الطين
بس شكرا على الموضوع اللي هيحدث جدل في المنتدى

انا عن نفسى عشان وحيده امى وابويا انا دلوعتهم ايوه مش هعترض انا بتحمل المسئوليه اكتر من اخواتى بس ده ما يمنعش انى دلوعه البيت وفى ناس كتير هتوافقنى على كده غير كده حاجة اساسيه ان حياة البنت عمرها ما هتمشى من غير الراجل لان دى سنه الحياة وانا شايفة ان دور البنت فى الحياه هوه هوه دور الولد ده عليه مسئوليات كبيرة ودى عليها مسئولات كتير عموما يعنى لا الراجل يقدر يستغنى عن الست ولا الست تقدر تستغنى عن الراجل عشان تستمر الحياة

عندك حق ياجعانة في النقطة دي

بس انا اللي فهمتو من كلامك ان البنات دلوعات و اقولك اية بابي و مامي و اخواتي بياكلو مربى يوماتي
تغيير مية و تمانين درجة

و بعدين قلتي انا وحيدة بابا و ماما و رجعتي قلتي اخواتي

(تناقض في انفس)

اصلي بدقق اوي في الكلام و بحسب كل كلمة ومفيش حاجة بتفوت عليا

انا وحيده يعنى بنت واحده والباقى ولاد مش معقوله مش فهمتى الكلام يعنى
وبعدين انتى بتعترضى على ايه هوه انتى لو زعلتى مع باباكى مش بتدخلى الاوده بتاعتك وتعيطى وشويه وبيصالحك ايه بقى جاب سيرة بابى ومامى انا رايى انك تقراى الموضوع تانى وتفهميه وكويس لو فعلا بدققى على كل كلمه يا جعانة وانا محترمة رايك ده اوى و حاجة تانيه انا شايفه ان كل كلمه فى الموضوع صح ولو فى حاجة من اللى مكتوبة مش بتحصل تبقى تقوليهالى

خلاص يا جماعة

يا ستي احنا مش داخلين خناقة فبراحة عليا شوية
كمان اللي خلاني اقول كدة انك قلتي انا وحيدة بابا و ماما و بعدين قلتي اخواتي
فمكنتش فاهمة
اما بقى رايي انك مخلية البنات يظهروا بصورة الدلع الزايد و ان الولاد هم اللي مظلومين مع اننا احنا الاتنين لينا دور و محدش فينا شايل ايدة من المسؤولية
عرفتي
و عشان خاطري كمان مرة بالراحة عليا شوية

خلاص يا جماعة محصلش اى حاجة عادى يا توتة يا عسل

والله هوه الموضوع اصلا كان للترفيه بس يعنى ويا ستى ولا يهمك وانا مش هتخانق عشان موضوع يعنى

قشطة
كمان مين اللي قال ان في خناقة
كل واحد فينا حس انة بيتهاجم فحب يدافع مش اكتر

اهو ده عيب البنات اختصاص نكد وعياط واخناق
بس على فكره الصوره اللى انتى حاطاها حلوه جدا ياتوته لان انا بحب المسلسل ده جدا

اى خمه انا اصلا المسلسل ده عشقى اصلا وعموما شكرا على ردك

شكرا