اتخيلوا معايا عام 2020

تعالوا اتخيلوا معايا عام 2020 يا ترى هنبقى عاملين ازاى

1- مش هنقدر نعيش من غير انسان الى في البيت نقول له تعالى ييجى امشي يمشي و الانسان الالى هيبقى جزء من عائلتنا هو اللى يصحينا هو اللى ينيمنا هو اللى يأكلنا هو اللى يشربنا هو اللى ينضف البيت هو اللى هيغسل هو اللى هينشر الغسيل و هو وهو و هو ..............

2- تخيلوا معايا البيوت ---------> البيوت ممكن تبقى فوق القمر او تحت الماء او حتى ممكن نلاقيها متشعبطة فوق سحابة


3 - هيبقى على ايامنا ننتقل من مكان لمكان عن طريق الطيارات يا اما عن الاختراع الجديد اللى ممكن يخترعوه اللى اسمه التاكسي او العربة الطائرة تخيلوا كدة


4 - بدل منتعلم في المدارس و ناخد معانا الكتب ممكن نتعلك في المدارس عن طريق اللاب توب و نستغنى عن الكتب و الهم و الحاجات التقيلة او ممكن منتعلمش في مدارس اساسا و التعليم كله يبقى في البيت عن طريق الكمبيوتر و الانترنت يعنى هيبقى اخر تقدم


5 - التليفزيون هيشتغل بأصواتنا يعنى مش بالريموت كنترول احنا هنقول اسم القناه و هنلاقيها ادامنا و التليفزيون كمان يمكن ميكونش تليفزيون زى المرزوع في البيت ده دا ممكن يبقى واحد كبير عامل زى شاشة السينما و لازق في الحيطة


6 - و لما نيجى نمشي من مكان لمكان في البيت اللى فوق السحابة هنمشي بسكوتر عشان رجلينا متتبلش من السحابة اللى مليانة بخار ماء



انا كدة اتخيلت كل اللى عندى اتخيلوا انتوا بقه يا ترى عام 2020 هيبقى شكله عامل ازاى

بس الكلام ده هيبقي بره في الدول المتقدمة اصل عندي احتمال كبير ان مصر هتفضل علي حالها ده بالعكس ممكن تتخلف اكتر واكتر


عايزة اعرف تخيلتكم :afro:

انا حاسة ان الانسان المصري هينقرض لانة لسة هتزيد الاسعار كمان و كمان
و حاسة ان الموبايل اللي انا بقولعلية واو هيكون زبالة
و الاي فون هيبقى حاجة اخي خالص

كل طفل هيبقى في ايدة لاب توب عشان المدرسة

على فكرة وانا بقراء الموضوع كنت بضحك علشان الا نسان المصرى هيكسل اكتر ما هو كسلان

جامد

ممكن يكون الانسان المصرى اتباع ليه
...............................
علشان هيبقى على مصر ديون كتير
وهيبعونا تخليص حق

شكرا