هل تؤمن بالسفر عبر الزمن2

الموضوع دة بما انة شغل ناس كتير في المنتدى
فانا حبيت اعمل منة جزء تاني
فاكرين عبقرينو اللي في مجلة ميكي لما عمل الة زمن و اتسببت بمشاكل كتير اوي في مدينة البط بسبب بطوط و السد انهار
طب يا ترى هو عبقرينو دة هو اول واحد اخترع الة الزمن دي
في الحقيقي لا.......اول من استخدم مصطلح او اسم الة الزمن كان الكاتب هربرت جورج ويلز
في الرواية بتاعتة اللي اسمهانفس الاسم و كانت بتتكلم عن عالم اخترع الة الزمن
و فضولة بيخلية ينتقل للمستقبل عشان يشوف اية اللي هيحصل فية
بس للاسف يا فرحة ما تمت لقى المستقبل مظلم و مش حلو خالص نظرا للفارق الطبقي الكبير بين الاغنياء و الفقراء
و بسبب الموضوع دة هيظهر جنسين من احفادهم فيبقى الاغنياء احفادهم اغبياء و ضعفاء و سموة الايلو
اما احفاد الفقراء فدول هيبقى اسمهم البمورلوكو هم حاجات زي الحيوانات المتوحشة بيعيشو تحت الارض و حياتهم كلها شغل ×شغل
و في الرواية دعوة واضحة اوي لتقليل الفوارق الطبقية في المجتمعات الحالية و المستقبلية
و شفنا في التسعينات سلسة افلام اسمها العودة بالزمن بتعالج بردة نفس المشكلة دي
و حكليتها عن عالم اخترع الة الزمن على شكل عربية و بيسافر بيها المساعد بتاعة و هو صغير في السن يعني شاب عشان يتعلم عن المستقبل


و اكيد انت بتسال بعد الرغي دة كلة لية محققش الاختراع شهرة او نجاح
السبب هو ان العلماء واجهو صعوبة في اختصار الزمن اللازم لنقل اي جسم......دة غير ان العلماء نجحوا بس في نقل عملة معدنية من برطمان لاخر
بس اعد الموضوع كتير
يعني اعد ساعة و ست دقايق
بس العلماء لسة عندهم امل مدام قدرو ينقوا العملة اكيد هيقدرو ينقلو حاجات كتير غيرها و في وقت اقل من كدة بكتير
اما بقى في بدابة التمانينات كان العلماء بيحلموا انهم يحققوا اللي تحقق جزئيا باكتشاف عبقري سماة العلماءالانتقال الاني
و هو بيعني الانتقال في التو و اللحظة لمكان تاني يبعد عنة مسافة كبيرة اوي
و ممكن نكون شفنا الحاجات دي في التيليفزيون
و الفكرة دي بتحقق الانتقال في الزمان و المكان star trekالنجوم
و اعتبرها العلماء اكتشاف معجزة في الوقت دة

المفاجاة بقى ان في الة زمن حقيقية و مخترعها عالم مصري و انا فتخر بكدة و اسمةاسامة السعداويو عملت رحلات كتير اوي في اعماق التاريخ ووصفت لنا احداث و اسرار مفيش اي حد كان عارفها قبل كدة
لا دي كمان ساعدت في فك الشفرة الهيروغليفية و ترجمة نصوص فرعونية كتيييير
انا نفسي اتعلم اللغة الفرعونية
حاجة حلوة ان تبقى بتتكلم حاجة مفيش حد زيك بيتكلمها
و بتعتمد الالة دي على حساب الزمن المنقضي في الماضي او المستقبل اعتمادا على عناصر عالية الدقة زي حوادث الكسوف و الخسوف المكتملة و اللي كمان بتعتبر محطات زمنية الهية عالية الدقة
التوقيت القمري و توقيتات دوران الكواكب حول الشمس و اللي مبتتغيرش و مبتتبدلش خلال التاريخ
دة غير طبعا علم الاسترولوجي او الفلك الحديث لتحليل الحوادث المختلفة
و بتعتمد الالة على رصيدها من اللغة المصرية القديمة و اللي ناس كتير بيعتبروها اساس كل اللغات الشرقية
و هي بتوصف اسماء الاماكن و الملوك و الاشخاص للمساعدة في فهم ظروف الاحداث

يا ترى بقى هييجي اليوم اللي يطور فية البني ادم الة الزمن عشان يسافر بيها للمستقبل و الماضي؟؟؟؟؟
طيب لو عرفنا نسافر للماضي ممكن نشوف الرسول صلى اللة علية و سلم؟؟؟؟؟
و الا هتبقى الة الزمن دي حلم زي حجر الفلاسفة في هاري بوتر و اكسير الحياة؟؟؟؟؟؟

اسئلة محتاجة رد وجية

شكرا علي المجهود

any thing any time :D

شكرااااااااااااااااااااااا

شكراااااااااااااااا على المجهود

اي خدمة

thank u

u r wellcome

مشكوره