كل خير و انتوا بخير

انا النهاردة هتكلم على عمل خيري في قرية اسمها بني منين
بني منين دي قرية تقريبا في بني سويف او على حدودها
القرية فعلا معدومة و الهدوم كلها مقطعة و الوضع يصعب على الكافر
انا هحكيلكو اليوم كلو من طأطأ لسلام عليكو

اول حاجة احنا صلينا الفجر و بدنا نتحرك لاننا هنسافر و احلى حاجة في الموضوع و اللي عجبني جدا ان حد من الولاد من مدرسة الهدى جة عجبني الموضوع لان في ناس عايزة تغير و ناس عايزة تشتغل و الولد يا عيني طلعت عينية في الشغل
المهم اتحركنا اول ما صلينا و لبسنا و رحنا جبنا الاكل بتاع الفطار طبعا على المغرب مش عالصبح
و بعدين قطعنا مسافة تلات ساعات في الطريق ووقفنا شوية في الصحرا لاننا مكناش عارفين طريق بني منين و جة مرشد معانا
و بما ان المفروض كنت البس ابيض و ايشارب ازرق و دة اللي انا معرفتوش الا الصبح بعد ما جهزت هدومي خلاص
فالناس هناك كانو بيتريقوا عليا (طبعا بهزار
و اعدوا يقولو اللي لابس ابيض ييجي يتصور و اللي مش لابس ميجيش
طبعا انا رحت اتصور معاهم :D :D :D :D هو انا هسيبهم في حالهم
و لما وصلنا القرية اتعمدت اني اقول اني عايزة اصعب شغلانة في الموضوع دة
و طبعا كانت اصعب شغلانة هيا اننا نكيس الاكل
انا وقفت على الدقيق مع ان الصبيان مكانوش معترفين بيا لاني مش هقدر اقف علية لان الموضوع صعب شوية على بنت
بس طبعا انا تحديتهم ووقفت و بالعكس الناس بقوا مبسوطين بشغلي جدا
تخيلو احنا بنكيس في الف و مية شنطة
و بدا الناس يتجمعوا بس احنا المرة دي عملنا احتياطاتنا و كان المفروض ان كان يبقى معانا عساكر لان اخر مرة كنا هنموت من الناس
بس الموضوع انتهى على خفرين و بس
و بدانا التوزيع و مرة واحدة و انا بشيل الدقيق لاقيت الصبيان الح يا ياد فلان بيضرب
ببص لاقيت ولد من روح بيجري و الناس كلها بتجري وراة اتارية اخد من الناس البطايق مش عشان حاجة بس عشان يجيبلهم الشنط
و بعدين بدا الناس ييجولنا من ورا على الشبابيك و يهبدوا على الازاز
طبعا كان الموضوع دة مخوفنا جدا خصوصا اننا كنا اعدين في مدرسة و كلنا في اوضة و الناس من برة
المهم اليوم عدى بخير و كل خير و انتوا بخير

جميييييييييل اوى الموضوع ده بجد

ربنا معاكوا
ومع الولد اللي اضرب

طيب هو الكلام ده تبع ايه

ربنا يزيدك كمان و كمان يا تاتا و انتي شخصية نفسي اتعرف بجد عليها و جميلة اوي
و الحوار كلو و الموضوع جميل و الكبايات بتحييكي

ربنا يخليكو يا كبايات

باي اليوم اهو
المهم احنا اعدنا نشيل في الحاجة لحد ما ضهرنا اتقسم
و انا دخت و كان يوم بجد متعب جدا و المشكلة اننا كان المفروض اننا نفطر و منصمش لاننا على سفر و مباح لينا و الهمة و كدة و الحمد للة محدش فينا فطر ابدا و سبحان اللة كان ربنا مع التعب و الحر و العطش كان ربنا بيخلينا نشتغل اكتر و اكتر و الابتسامة تكون على وشوشنا كلنا و اللة يا جماعة دي كانت حاجة من عند ربنا و نهزر و احنا نشتغل و نضحك
و مع كل دة بنشتغل و بنستعفى على نفسنا و الصبيان كانو عمالين بيقولولي اهدي شوية لاني كنت بشيل الحاجات التقيلة مع الصبيان اللي ما في بنت شالت اللي انا شلتو و طبعا كان ردي انا جاية هنا عشان اتعب

و بعد عمل طويل الصبيان عملوا للبنات ممر وسط الناس و هم واقفين و بيعدونا و خرجنا من المدرسة اللي كنا بنوزع فيها الشنط و رحنا عند الباص عشان نلاقي ان في وليدين محبوسين مع الناس و دخلنا نجيبهم
انا بس نسيت اقول ان قبل التوزيع كان في صبيان بايتين مع التريلات في القرية و مشافوش ريحة النوم و اللة الرجالة دول بجد رجالة

المهم في الباص و احنا مستنيين الاذان و اعدنا نعد العد لتنازلي للاذان و خلاص المفروض نفطر وصلنا القاهرة و كان لازم نستنى دقيقتين و من التعب مقدرناش و ربنا يا رب يكون سامحنا احنا كنا بجد تعبانين
و الحمد للة على بالليل على الساعة 9:30 وصلنا البيت و حضرت درس العربي و انا مكنتش عاملة الواجب و كنت عرقانة بطريقة بشعة و اعدنا انا واخواتي نفاصل مين اللي ياخد دش الاول :D

و للناس اللي بتسال احنا تبع مين احب اقولكو اننا تبع جمعية اسمها روح و دة للمرة المليون الموقع و ان شاء اللة الخميس الجاي هيبقى في نادي الزهور و هنفطر ايتام و هنديهم حاجات المدرسة و هدوم المدرسة كمان

دعواتكو بقى و دة الموقع
www.roahonline.org

ربنا معاكو ان شاء الله

متيجي يا بنت معانا يوم الخميس

موووت

انت لو دخلت على الموقع و شفت صور بني منين 2008 و شفت كمية الاكل و الصور اللي موجودة

ممكن يحصلك حاجة

hhhhhh

سمي باللة و اقراة

هههههههههههههههههههه

موضوع جميل اوي يا عفريتة بجد جامد

ماهى عفريته بقى

انا حاسة انك بجد في الحقيقة يا عفريتة بتباني انك تافهة و بتهزري و كدة انما في المنتدى بجد انتي شخصية تانية خالص و بتقري و بتروحي نشاطات
بجد بنت صغيرة كدة حلو انها تعمل كل دة

موضوع مكرر في بعض المناطق
(على ما أظن)

على فكره الموضوع مش مكرر خالص

أنا بقول على ما أظن

ممكن عادي يعني

:lol: