الفول واللحمة

عن موضوع الفول و اللحمة صرح مصدر المسؤول
ان الطب اتقدم جدا و الدكتور محسن بيقول
ان الشعب المصري خصوصا من مصلحتة يأرأش فول
حيث الفول الشعبي عموما يجعل من البني ادم غول
و البروتين الكامل طايلة لكن زية ايها غول
تاكل فخدة فربع دقيقة و الدكتور محسن مسؤول
يديك طاقة و قوة غريبة تسمن جدا تبقى مهول
لحمة نباتي ولا في العادي تاكل قدرة تعيش مستور

ثم اضاف الدكتور محسن ان اللحمة دي سم اكيد
بزود اوجاع المعدة و تعود على طولة الايد
و تنيم بني ادماكتر وتفرقع منة المواعيد
واللي بياكلوا اللحمة عموما هيخشوا جهنم دة اكيد

يا دكتور محسن يا مفألط يا مصدر يا سي المسؤول
حيث ان انتوا غول العالم و العالم محتاج للغول
بقول لجنابك و جنابهم في واحد مجنون بيقول
احنا سيبونا نموت من اللحمة و انتو تعيشوا و تاكلو الفول
احنا سيبونا نموت من اللحمة وانتو تعيشوا و تاكلو الفول
ما رايك يا كابتن محسن مش بالذمة كلام معقول!!!!!؟؟؟؟